ඉතිහාසය පිහිටීම හා ස්ථානගත කිරීම

1953.11.27 වන දින සහකාර පොලිස් අධිකාරී ලැම්බෘගන් මහතා යටතේ රථවාහන පොලිස් මූලස්ථානය ආරම්භ කර ඇත.1954 වර්ෂයේදී දිවයිනට පැමිණි දෙවන එලිසබත් මහ රැජින වෙනුවෙන් රථවාහන පොලිස් මූලස්ථානයේ නිළධාරීන් සහ රථවාහන යොදවා පෙරගමන් රාජකාරිය සිදුකර ඇත.

මෙම කොට්ඨාසය 2007 වර්ෂයට පෙර කොළඹ 01, පොලිස් මුලස්ථානයේ නව මහලේකම් ගොඩනැගිල්ලේ ස්ථාපිතව තිබී ඇත. 2007 වර්ෂයේදී රථවාහන පාලනය හා මාර්ග ආරක්ෂාව කාර්යක්ෂම හා විධිමත් කිරීම සදහා කොළඹ නාගරික රථවාහන පොලිසිය, පොලිස් හදිසි ඇමතුම් අංශය සහ රථවාහන මුලස්ථානය එකම ගොඩනැගිල්ලක ස්ථාපිත කර ඇත.

වර්ථමානයේ නව රථවාහන ගොඩනැගිල්ල කොළඹ ශ්‍රී.ලං.ග.ම මධ්‍යම බස් නැවතුම්පලට හා  බැස්ටියන් මාවත පුද්ගලික බස් රථ නැවතුම්පලට ආසන්නව කොළඹ 12, මිහිදු මාවතේ ස්ථාපිත කර ඇත.

 (Location – https://goo.gl/maps/Fi2TjsDGpe6RbuFj6)                                        

රථවාහන පාලන හා මාර්ග ආරක්‍ෂව කොට්ඨාසයේ කාර්ය භාරය

• රථවාහන ගැටඵ සම්බන්ධයෙන් අදාල පොලිස් කොට්ඨාශ වෙත උපදෙස් ලබා දිම සහ රථවාහන පාලනය හා මාර්ග ආරක්‍ෂාව පිළිබදව ප්‍රතිපත්ති හා සැලසුම් සකස් කිරිම

• මාර්ග පද්ධතියේ ඇති ඉංජිනේරුමය හා සෙසු අඩුපාඩු සම්බන්ධයෙන් නිරික්ෂණ හා සමික්ෂණ පවත්වා ඒ සම්බන්ධයෙන් අදාළ බලධාරින් වෙත නිර්දේශයක් ඉදිරිපත් කිරිම.

• විනිතව හා නිති ගරුකව රියැදුරන් හා මාර්ගය භාවිතා කරන්නන් ඇති කිරිම සදහා පාසෑල් ළමුන් සහ ප්‍රජාව වෙනුවෙන් රථවාහන සංදර්ශණ පැවැත්විම සහ සෙසු රථවාහන දේශණ පැවැත්විම.

• රාජ්‍ය උත්සව සහ දේශිය හා විදේශිය රාජ්‍ය නායකයින්, ප්‍රභුවරුන් වෙනුවෙන් පෙරගමන් හා රථවාහන පාලන රාජකාරි සැලසුම් කිරිම හා යෙදවිම.

• රාජ්‍ය දෙපාර්තමේන්තු සහ අමාත්‍යාංශයන්හි රියැදුරන් බදවා ගැනිමේ සහ උසස් කිරිමේ සම්මුඛ පරික්ෂණ මණ්ඩල සදහා අවශ්‍ය සහාය ලබා දිම.

• රථවාහන පාලනය හා මාර්ග ආරක්ෂාව සම්බන්ධයෙන් වන සම්මන්ත්‍රණ සහ සාකච්ජාවන්ට පොලිස්පතිතුමා වෙනුවෙන් ඒ ඒ දෙපාර්තමේන්තු සහ ආයතන වෙත උපදෙස් ලබා දීම.

• දිවයිනේ මාරක රිය අනතුරු පිළිබද සංඛ්‍යා ලේඛන දත්ත සකස් කිරිම.

• දීප ව්‍යාප්ත වැඩ සටහන් වශයෙන් මාර්ග ආරක්‍ෂක කටයුතු සංවිධානය කිරිම.

• විශේෂ උත්සව අවස්ථාවන්හිදි රථවාහන ගමනා ගමනය පිළිබද උපදෙස් ලබා දිම හා සංවිධානය කිරිම.

• රථවාහන තදබදය පවතින ස්ථාන සොයා බලා එම තත්වයන් අවම කරගැනිම සදහා රථවාහන පාලනය හා මාර්ග ආරක්ෂාව සම්බන්ධයෙන් අදාල පොලිස් ස්ථාන වෙත උපදෙස් ලබාදිම.

• රථවාහන ගමනා ගමනය සම්බන්ධයෙන් එදිනෙදා වෙනස් වන නිති රිති සම්බන්ධයෙන් සෙයා බලා ඒවා සම්බන්ධයෙන් නිලධාරින් දැණුවත් කිරිම,  සහ අදාල  චක්‍ර ලේඛ සකස් කිරිම.

• සියඵම පොලිස් ස්ථාන වෙත ගොස් රථවාහන අංශයවල පොත්පත් හා ලේඛන හරියාකාරව පවත්වාගෙන යන්නේද නිලධාරින්ගේ රාජකාරි යෙදවිම ආදිය සම්බන්ධයෙන් පරික්ෂාවන් සිදු කිරිම.

• ජාතික මට්ටමේ පාපැදි තරග සහ පාපැදි සවාරි සදහා පෙරගමන් සහ පසුගමන් රාජකාරි සැපයිම.
• ශ්‍රි ලංකා පොලිසියේ  පරික්ෂණ ශ්‍රේණියේ නිලධාරින් පුහුණු කිරිම සහ ඊට අදාල පුහුණු වැඩ සටහන් පවත්වාගෙන යාම.

• ශ්‍රි ලංකා පොලිසියේ  සැරයන් සහ කොස්තාපල් නිලයන් සදහා වු කණිෂ්ඨ රථවාහන පාඨමාලා පැවැත්විම.
• රථවාහන නිලධාරින්ගේ නිළ ඇඳුම් සහ ආයිතත්ම් සැපයීම සඳහා කොට්ඨාස ගබඩාවක් පවත්වාගෙන යාම.

• රථවාහන පාලනය හා මාර්ග ආරක්ෂාව සම්බන්ධයෙන් ශ්‍රි ලංකා පොලිසිය තුල අවශ්‍ය භාණ්ඩ සැපයිම සදහා වාර්ෂික දළ ඇස්තමේන්තු පිළියෙල කිරිමෙන් පොලිස්පතිතුමාට සහාය විම

• දිවයිනේ  මාර්ග පද්ධතිය තුළ රථවාහන සම්බන්ධයෙන් ඇති සියළුම අණ පනත් නීතින් ක්‍රියාත්මක කරවිම සහ ඊට අවශ්‍ය සැලසුම් සැපයිම.

• දිවයින තුළ සිදුවන රථවාහන අනතුරු නඩු ගැනිම් ආදි සියඵ දත්තයන් එක්රැස් කොට ඒවා විශ්ලේෂණය කිරිම සහ ආයතන යහපත් සහ ක්‍රියාකාරි රථාවහන පාලනයක් උදෙසා දැණුවත් කිරිම.

සංඛ්‍යාලේඛන හා දත්ත

2010 සිට 2021 වසර දක්වා වාර්තා වු රිය අනතුරු දත්ත වර්ථා පහත සදහන් කර ඇත..

වර්ෂය	මාරක අනතුරු	බරපතල අනතුරු	සුලු අනතුරු	අලාභ අනතුරු	එකතුව	මියගිය ගණන
2010	2579	6124	12560	16360	37623	2721
2011	2498	6965	13196	17599	40258	2677
2012	2317	7209	14680	17939	42145	2444
2013	2190	6870	13525	15292	37877	2362
2014	2260	7071	12781	13854	35966	2440
2015	2600	8186	13595	13726	38107	2816
2016	2838	8932	14050	13380	39200	3020
2017	2965	8666	13102	12866	37599	3154
2018	2994	8795	12138	11918	35845	3151
2019	2645	7718	10679	9391	30433	2839
2020	2242	6950	8705	5807	23704	2363
2021	2414	6401	8070	5434	22319	2513

තවද, වර්තමානය වන විට රටේ ලියාපදිංචි වාහන සංඛ්‍යාව මුල් කර ගෙන ඇතිවන රථවාහන තදබදය අවම කිරීමේ අරමුණින් යුතුව කොළඹ රථවාහන කොට්ඨාශය, බස්නාහිර පලාත උතුර රථවාහන කොට්ඨාශය  සහ බස්නාහිර පලාත  දකුණ රථවාහන කොට්ඨාශය වශයෙන් රථවාහන කොට්ඨාශ 03 ක් හදුන්වා දී ඇත. එනම්,

කොළඹ  රථවාහන කොට්ඨාශය – කොළඹ උතුර, කොළඹ මධයම සහ කොළඹ දකුණ  පොලිස් කොට්ඨාශ අධීක්‍ෂණය කරනු ලබයි. (දුරකථන අංකය – 0112433333)

බස්නාහිර පළාත උතුර රථවාහන කොට්ඨාශය – කැළණිය, ගම්පහ සහ මීගමුව  පොලිස් කොට්ඨාශ අධීක්‍ෂණය කරනු ලබයි. (දුරකථන අංකය – 0112947791)

බස්නාහිර පළාත දකුණ රථවාහන කොට්ඨාශය – නුගේගොඩ සහ ගල්කිස්ස යන පොලිස්) කොට්ඨාශ අධීක්‍ෂණය කරනු ලබයි.(දුරකථන අංකය – 0112862466

දුරකථන, ෆැක්ස් හා විදයුත් තැපැල් ලිපිනයන්

අනු අංකය	තනතුර	නම	දුරකථන අංකය		විද්යුත් තැපැල් ලිපිනය
			ස්ථාවර	ජංගම
01	නියෝජ්‍ය පොලිස්පති	නියෝජ්‍ය පොලිස්පති- එච්.ඒ.කේ.ඒ. ඉන්දික හපුගොඩ	011 – 2324984	071 – 8592685	dig.traffic@police.lk
02	අධ්‍යක්ෂ	ජ්‍යෙෂ්ඨ පොලිස් අධිකාරී-  ඩී.එස්.  විජේසිංහ	011 – 2333094	071 -8591967	dig.traffic@police.lk
03	සහකාර පොලිස් අධිකාරී	සහකාර පොලිස් අධිකාරී- ඒ.ඒ.ඩබ්.එස්. කුමාරජීව	011-2392889	071 – 8591968	dpdir.traffichq@police.lk
04	ස්ථානාධිපති	ප්‍රධාන පොලිස් පරීක්‍ෂක- පී.පී.එල්. රාජපක්‍ෂ	011 – 2345278	071 – 8591969	oic.traffichq@police.lk

වර්තමානය දක්වා වු විකාශය